نبذة عني
اسمي أحمد عبد المعطي، Media Bayer في المجال بقي لي اكتر من سنتين ونص لكن الخبرة الفعلية سنة في ادارة الحملات الاعلانية صرفت اكتر من 700 الف علي حملات اعلانيه رابحة
مؤمن إن كل جنيه بيتصرف في الــ Marketing لازم يرجع بنتيجه قابله للقياس.
رحلتي في التسويق بدأت من تجربة شخصية مريت بيها قبل ما تكون شغل
كان عندي بيزنس عسل نجحت في تسويقة و توزيعه أوفلاين في السوبر ماركت ومحلات العطارة لكن كانت مبيعاتي محدودة بسبب المنافسة والشركات المعروفة و كنت مؤمن إن السوق الأكبر موجود أونلاين والداعية كان في منافسين ناجحين في البيع اونلاين ، وكنت عايز أدخل المنافسة بقوة واخد Market Share.
جربت أتعامل مع أكتر من شركة تسويق… دفعت ميزانيات، استنيت نتايج الي وعودني بيها لكن مفيش النتيجه إلي أنا عايزها ولا في وضوح لنجاح او اسباب فشل الحملة وجربت تاني مع شركات واشخاص مختلفة.
لكن النتيجه واحدة صرف من غير مردود حقيقي
وقتها فهمت إن مفيش حد هيهتم بالبيزنس قدّي والتعاون مع شخص مخلص
ومن هنا بدأ الشغف الحقيقي… بدأت أتعلم التسويق من الصفر سمعت فيديوهات كتير من اليوتيوب وخاصة الدكتور إيهاب مسلم واشتركت في بعض كورساته اسياسات التسعير والدبلومه وبعدين اتعلمت Digital Marketing من منصة Easyty
التجربة دي كانت نقطة التحول اللي خلتني أدخل المجال باحتراف، مش من باب الكورسات بس، لكن من باب “تجربة صاحب بيزنس كان محتاج نتائج وحلول فعلية وملقاهاش”
حبيت المجال أكتر لان معتمد على فهم والحلول وكنت شايف نفسي فيه
بعدها تدريب عملي وسط تيم شركة إيجنسي، وكـ فريلانسر مع أصحاب شركات في مجالات مختلفة—من أول البراندات الناشئة لحد المصانع اثاث
وكل مرة كنت ببدأ من نفس الأساس اللي تعلمته من تجربتي:
فهم البيزنس بعمق… وبناء قرار تسويقي واعي… مش مجرد إعلان شغال.
الشفافية
كل خطوة مبنية على سبب واضح ورقم مفهوم. لا وعود مبالغ فيها، ولا كلام كتير من غير نتيجة.
الاعتماد على البيانات
التحليل هو اللي بيحدد الاتجاه. مين الجمهور؟ بيشتري ليه؟ بيقف فين؟ القرارات عندي مبنية على أرقام… مش تخمين.
البساطة والوضوح
دوري أسهّل على صاحب البيزنس على صاحب البيزنس عملية التسويقية أونلاين ويحقق نمو … ويعرف بيصرف فين وراجعله إيه.
التطوير المستمر
السوق بيتغيّر... وانا رحله تعليمي مش بتقف
هدفي
هدفي مش إدارة حملات وبس… هدفي أبني نظام بيع كامل يساعد البيزنس يكبر بذكاء. صاحب البيزنس لازم يبقى فاهم الخطوات مطمن للقرارات وشايف تأثير كل حركة على الإيرادات.
طموحي
إني أكون جزء من القرارات التسويقية المهمة في الشركات والمتاجر الإلكترونية، من خلال خلق استراتيجيات واضحة، Funnels فعّالة، وتحليل يمشي البيزنس في الاتجاه الصح بأقل تكلفة وأعلى عائد
وعدي لأي حد نتشرف بالشغل معاه
هتلاقي شغل واضح… تفكير منطقي… تحليل دقيق… وخطة تمشي عليها وإنت مطمن. والنتائج هتكون مبنية على مجهود حقيقي… وتجربة عملية…
بعض شركاء رحلة نجاحي
